पुस्तक लोकार्पण कार्यक्रम: “भ्रष्टाचार र समाधान”
भ्रष्टाचार विरुद्ध सचेतना अभिवृद्धि गर्दै नैतिक र उत्तरदायी समाज निर्माण गर्ने उद्देश्यका साथ लेखक गंगा प्रसाद शर्मा द्वारा लिखित पुस्तक “भ्रष्टाचार र समाधान” को लोकार्पण कार्यक्रम आयोजना गरिँदैछ।
उक्त कार्यक्रम भ्रष्टाचार विरुद्ध नेपाल तथा ब्राइट बचत तथा ऋण सहकारी संस्था लि. को संयुक्त आयोजनामा सम्पन्न हुन गइरहेको हो। पुस्तकमा नेपाली समाजमा विद्यमान भ्रष्टाचारका स्वरूप, त्यसका कारणहरू, र व्यवहारिक समाधानका उपायहरूलाई सरल र यथार्थपरक ढंगले प्रस्तुत गरिएको छ।
कार्यक्रम विवरण:पुस्तकको नाम: भ्रष्टाचार र समाधान
- लेखक: गंगा प्रसाद शर्मा
- स्थान: होटल हार्दिक, बागबजार
- मिति: २०८२ साल माघ १८ गते, आइतबार
- समय: दिनको ११:३० बजे
यो पुस्तक लोकार्पण कार्यक्रम केवल एक औपचारिक समारोह मात्र नभई, भ्रष्टाचार विरुद्ध साझा प्रतिबद्धता व्यक्त गर्ने एउटा महत्वपूर्ण मञ्च पनि हो। यस कार्यक्रममा लेखक, बौद्धिक वर्ग, सामाजिक अभियन्ता तथा सरोकारवाला व्यक्तिहरूको उपस्थिति रहने अपेक्षा गरिएको छ।
भ्रष्टाचार विरुद्ध सचेत, न्यायपूर्ण र उत्तरदायी समाज निर्माणमा योगदान पुर्याउने यस महत्वपूर्ण कार्यक्रममा उपस्थित भई कार्यक्रमको गरिमा बढाइदिनुहुन सबैमा हार्दिक अनुरोध गर्दछौं।